Sóley

Ekki hrifin af kuldabola

2008-10-04T16:02:00.003Z

Ég held að líkaminn minn sé ekki gerður fyrir kalt veður, því um leið og snjórinn kom varð húðin mín eins og þurrt hreistur, hárið mitt eins og strákústur og neglurnar mínar brotna sífellt.
Í 20-25´C og smá raka er líkami minn hins vegar í góðu lagi. Húðin mín er mjúk, hárið mitt lyftist og það er eins og ég sé nýkomin úr hárgreiðslu á hverjum degi og neglurnar mínar vaxa og vaxa.
En ég bý á Íslandi og verð því að sætta mig við þetta, eiga nóg af kremum og hlakkað til næstu sólarferðar...

Fimmvörðuháls

2008-06-30T16:10:00.002Z

Gærdagurinn var örugglega lengsti og erfiðasti dagur lífs míns. Ég og Frikki löbbuðum nefnilega fimmvörðuháls. Þótt að ég sé mjög þreytt og aum eftir þessa göngu er ég alveg í skýjunum þar sem það er rosalegt egóbúst að ná að klára þessa göngu.

Helgar

2008-05-18T15:13:00.002Z

Þá eru prófin búin og vinna tekur við. Búin að velta því fyrir mér þessa helgi í kringlunni hvernig það sé að vera alltaf í fríi um helgar? Það hlýtur að vera æðislegt. Öfunda þetta fólk alveg rosalega!

2008-05-03T13:01:00.001Z

Er að lesa undir próf þessa dagana og óska þess að ég sé komin aftur til Braziliu undir sólhlífina.

Brazilia-Natal

2008-03-06T17:07:00.002Z

Eftir 10 daga mun ég liggja á þessari strönd. Get ekki beðið!

Leti

2008-01-15T14:58:00.000Z

Búin að vera ansi löt við að skrifa e-d inn á þetta blogg. Er efins um hvort ég nenni þessu áfram yfir höfuð þar sem fólk almennt nennir þessu ekki lengur, nema þeir sem eru með blogg fyrir börnin sín.
Er byrjuð aftur í skólanum en er ekki alveg að koma mér af stað í lestrinum, en veit það kemur á endanum.
Svipuð leti er í gangi heima hjá mér, þar sem lítið hefur verið um þrif af minni hálfu. Auk þess er ég ekki ennþá búin að ganga frá öllu jólaskrautinu!
Semsagt mikil leti hjá mér þessa dagana....vona að það klárist fyrr en síðar.

Kaka og kaffi

2007-11-27T15:13:00.000Z

Jæja þá á er maður orðinn 27 ára, þann 27! Keypti mér köku áðan, það er opið hús ef einhverjum langar að kíkja í köku og kaffi í kvöld.

Gangandi vegfarandi

2007-10-20T13:23:00.000Z

Var að labba um daginn með tímon um hverfið eins og ég geri iðulega. Vorum stopp á einu götuhorninu þar sem tímon var að þefa af einhverju merkilegu, þegar kona kemur labbandi og þarf að sveigja fram hjá okkur. Þegar hún gengur fram hjá okkur segir hún:
"Ég hélt að gangandi vegfarendur ættu réttin".
Ég var ekkert smá hissa á þessu, var ég ekki lengur gangandi vegfarandi þegar tímon var með mér? Erum við saman orðin 2 flokks gangandi vegfarandi, þar sem við þurfum að passa upp á það að enginn þurfi að beyja 2-3 skref til þess að sveigja fram hjá okkur þegar við erum stopp?
Hvað finnst ykkur?

Jamm og já

2007-10-03T15:49:00.000Z

Jæja núna þegar jarðaförin er að baki, tekur hversdagslífið aftur við; skólinn, vinnan og bootcamp o.fl.. Sakna afa óneitanlega mikið og finnst stundum eins og þetta hafi ekki gerst, geti farið að hitta hann næstu helgi. En svo er víst ekki.
Reyni að vinna upp það sem ég missti úr í skólanum og í bootcamp (alveg ótrúlegt hvað þolið hjá manni er fljótt að minnka). Finnst mjög gaman í skólanum, fyrir utan einn heimspeki kúrs sem ég er í, "Siðfræði náttúrunnar". Vísindamanneskjan í mér er ekkert að fíla svona heimspeki hugsunargang þar sem aldrei er eitt svar við neinu. Síðan erum ég og Frikki nýlega byrjuð á hlýðninámskeiði með hann Tímon sem er mjög skemmtilegt og er Tímon dúxin í bekknum :)

Afi Eggert

2007-09-25T12:32:00.000Z

Afi minn lést 15 september síðastliðin. Langaði að setja inn minningargreinina sem ég og Frikki skrifuðum og söngtexta eftir Chaplin sem minnir mig á hann:

Kæri afi.
Þú varst einstakur maður sem við getum öll lært af. Þú varst góður og blíður við alla, jákvæður og hress þrátt fyrir mótlæti og fékkst fólk til þess að hlæja.
Ég álít mig heppna að hafa fengið ásamt unnusta mínum Friðrik að búa hjá þér. Við munum ávallt minnast þessa tíma, okkar fyrstu sambúð með miklum hlýhug. Eins og kvöldið sem við kveiktum í arninum og fengum okkur kakó saman, sögunum þínum um bernskubrek þín og ferðalög og aðfangadagskvöldið sem ég og Friðrik trúlofuðum okkur og þú varst fyrstu til að fá fréttirnar og óska okkur til hamingju. Okkur leið afskaplega vel hjá þér enda opnaðir þú heimilið þitt og hjarta fyrir okkur með mikilli hlýju.
Nú stendur eftir stórt gat í hjarta okkar sem aðeins þú gast fyllt, en við getum hlýjað okkur við minningarnar og þakkað fyrir að hafa átt þann stutta tíma sem okkur var gefin saman í litla hamingju heimilinu á Sogavegi. Við kveðjum þig með miklum söknuði.
Sóley og Friðrik.

Smile though your heart is aching
Smile even though it’s breaking
When there are clouds in the sky, you’ll get by
If you smile through your fear and sorrow
Smile and maybe tomorrow
You’ll see the sun come shining through for you

Light up your face with gladness
Hide every trace of sadness
Although a tear may be ever so near
That’s the time you must keep on trying

Smile, what's the use of crying?
You'll find that life is still worthwhile
If you just smile

That's the time you must keep on trying
Smile, what's the use of crying?
You'll find that life is still worthwhile
If you just smile

Norah Jones Rokkar feitt

2007-09-03T22:47:00.002Z

Fór á tónleika með Noruh Jones í gær.
Þeir voru geðveikir, hún er rosalegt talent.

Sælustund

2007-08-29T16:02:00.000Z

Það er komin ný skemmtileg hefð heima hjá mér. Þegar ég kem heim þá tekur Tímon mér fagnandi (auðvitað Frikki líka, en ekki eins og Tímon) og lokkar mig inn í svefnherbergi til að fá kúrutíma með mér. Ég leggst þá upp í rúm og kúra með Tímoni og á meðan heyri ég í Frikka inn í eldhúsi að elda og syngja með tónlistinni sem er í spilun. Þetta er mín sælustund.

Back to school

2007-08-22T13:10:00.000Z

Skólinn er greinilega byrjaður aftur í Versló og MH þar sem kringlan er öll troðfull af menntaskólakrökkum. Tók eftir þessu þegar ég ætlaði að grípa mér hádegismat, en biðraðirnar voru óvenjulangar. Tók einnig eftir því að þeir krakkar sem voru að hanga saman í hóp litu öll eins út. Ofurskutlu hópurinn var rosalegur, þær hafa örugglega vaknað kl. 6 í morgun til þess að hafa sig til :)

Ég byrja hinsvegar ekki á masternámi mínu fyrr en á mánudaginn....
Spurning hvort ég ætti að breyta um týpu og vera ofurskutla, aflita á mér hárið og vera svona næstum gráhærð eins og ég sá á einni stelpu um daginn, fara í hæla, skutlu föt og meira meikupp...?

Góð helgi

2007-08-20T10:50:00.000Z

Þá er frábær helgi að baki. Héldum matarboð á föstudaginn fyrir góða gesti. Maturinn hans Frikka var frábær eins og venjulega :)
Á laugardaginn var búið að versla nýjan (langþráðan) sófa og sófaborð/skemil fyrir hádegi og um kvöldið ætlaði ég að hafa opið hús fyrir gesti eftir flugeldasýninguna, en eftir að hafa unnið í næstum 11 tíma var ég ansi þreytt, hafði ekki einu sinni orku að horfa á flugeldasýninguna.
Sváfum út á sunnudeginum og fórum síðan í ikea og keyptum okkur hornboð, lampa og nýja púða í nýja sófan. Er alveg rosalega ánægð með stofuna mína núna :)
Góða helgin endaði með frábærri pizzu a la Frikki og Scrubs um kveldið.

Jeppaferð

2007-08-17T10:33:00.000Z

Fór síðustu helgi í jeppaferð með fjölskyldunni hans Frikka. Tengdapabbi var mjög ánægður að komast með alla fjölskylduna (fyrir utan dætur hans) í jeppaferð þar sem tengdasynir hans eru loksins búnir að fá sér jeppa.
Þessi ferð heppnaðist mjög vel, fórum fyrsta daginn í veiðivötn, gistum svo í hrauneyjum um nóttina.
Daginn eftir var keyrt inn í landmannalaugar sem er alveg æðislega fallegt svæði.
Skondið að segja frá því að hundurinn minn Tímon hafði komið oftar í landmannalaugar en sumir í fjölskyldunni :)
Í landmannalaugum var svo farið í heitu laugina, gengið aðeins um svæðið og grillaðar pylsur.
Frá landmannalaugum var keyrt að eldgjá og haldið svo áfram suður eftir slóða sem ég hef aldrei farið áður, en þessi leið var mjög falleg.
Þetta er ástæðan fyrir því afhverju við eigum jeppa, maður sér alltaf ótrúlega falleg svæði upp á hálendi og ýmsum slóðum sem maður kæmist aldrei, nema maður eigi jeppa sem er e-d upphækkaður og á góðum dekkjum.
Þar sem nýi bíllinn hans tengdapabba er ekki eins upphækkaður og sá gamli þá tókst honum að festa sig í einni á og þurfti Frikki að vaða útí á nærbrókinni og binda kaðal við bílinn hans til þess að draga hann upp úr.
Það var mjög fyndið að sjá þetta. Semsagt frábær ferð.

Transformers

2007-08-09T14:45:00.000Z

Var úber nörd í gær og fór með Frikka á transformers, þetta er hörku flott mynd með kúl bílum. Fannst þó soldið kjánalegt þegar transformarnir fóru að tala...sérstaklega hvernig þeir góðu, þ.e. Prime, bumblebee og félagar ætluðu að bjarga mannkyninu frá Megatron og hans illu félögum.

Verslunarmannahelgin

2007-08-08T13:50:00.000Z

Vona að allir hafi haft það gott um verslunarmannahelgina. Ég átti mjög góða og stresslausa helgi. Byrjaði helgina á að fara í fimmtugsafmæli sem endaði um kl.4 um morguninn þegar ég ákvað að staulast heim enda orðin frekar aum í löppunum eftir 3 noktun á háhæluðu skópari. Ákvað því að fara úr skónum en var búin að labba 3 skref þegar ég skar mig á hælnum og þurfti þá að troða mér aftur í skóinn og láta blæða í hann. Frikki brást snögglega við þessum meiðslum og stoppaði fyrsta bíl sem hann sá og bað viðkomandi að keyra okkur heim gegn greiðslu sem hann gerði :)
Laugardagurinn einkenndist af mikilli þynnku sem var læknuð með óhollum mat, gosi, liggja mikið og horfa á scrubs.
Á sunnudaginn var labbað niður í bæ að sækja bílinn sem var skilinn efir á föstudaginn og fengið sér mjög gott frappochino á kaffihúsinu í Eymundsson þar sem maður getur valið sér tímarit eða bækur og lesið meðan maður drekkur kaffið sitt, vissi þetta ekki. Siðan var verslað í matinn í nýju krónunni sem var ánægjuleg reynsla og grillað um kvöldið. Á mánudeginum var svo slappað af heima og fórum í góðan hjólreiðatúr ásamt tímoni sem er ávallt mjög ánægður með það, en var samt orðin ansi lúin undir lokin.

Skordýr og skriðdýr óheillandi..?

2007-07-31T13:58:00.000Z

Niðurstöður úr síðustu könnun sýndu að 3 af 6 sem tóku þátt vildu vera hvalur, 2 vildu vera górilla, 1 vildi vera drekafluga en enginn vildi vera froskur. Skil það vel að meirihlutinn vilji vera hvalur, það er heillandi hugmynd að synda frjáls um heimsins höf. En ætli það sé gaman í 200 ár?
Górillur eru náttúrulega tignalegir og gáfaðir prímatar og DNAið er 97-98% eins og hjá manninum. En ætli það sé gaman/gott að vera með þessar gáfur en geta ekki nýtt þær til að bæta líf sitt? Til dæmis að búa til gildrur fyrir menn sem eru að reyna að veiða sig, finna út skilvirkari aðferðir til þess að afla sér matar o.s.frv.
Síðan er það drekaflugan sem hefur ekki vitsmunalegar gáfur, lifir bara í ca. 4 mánuði, er kúl og í flottum litum og vængirnir gera henni kleift að svífa um loftin og hefa góða stjórn fluginu, þ.e. stoppað í miðju lofti í lengri tíma eins og þyrla. Semsagt stutt og auðvelt líf. Bara einni manneskju fannst það heillandi líf, afhverju ætli það sé?

Lúxuslífi lokið

2007-07-31T13:43:00.000Z

Síðustu 2 vikur var ég að "passa" nýja bíl mömmu og pabba sem er svartur suzuki jeppi með leðursætum og alles. Var búin að fíla mig sem mjög fín frú að keyra um bæinn á þessari lúxuskerru. En nú er því ævintýri lokið og verð ég að sætta mig aftur við fákinn minn (hjólið). Hugsa þó að hann sé meira "figure friendly" heldur en bílinn :)

50/50

2007-07-20T10:45:00.000Z

Síðasta könnun gaf ekki nein svör um hvort færi mér betur að vera brúnhærð eða ljóshærð þar sem niðurstaðan var 50/50. En það er allt í lagi því ég get þá bara verið ljóshærð eða brúnhærð eftir hentugleika.
Síðan er komin ný könnun....endilega svarið.

Klukkuð

2007-07-19T10:55:00.000Z

Ég var klukkuð af Krunku.....
1. Ég þoli ekki keðjubréf (vinsamlegast ekki senda mér þessi bréf).
2. Mér finnst gaman að fá sendan góðan brandara (vinsamlegast sendið mér þá).
3. Þar sem ég þoli ekki keðjubréf þá ætla ég ekki að klukka neinn annan og slít því keðjuna.....ohhh..neiii....
4. Þegar ég var krakki var mér bannað að horfa á hryllingsmyndir og ég get ekki ennþá horft á þær, því ég fæ þá martraðir.
5. Þegar ég var 10 ára og ný búin að skipta um skóla og fór í fyrsta afmælið í bekknum mínum, var ákveðið að fara í útileiki sem mér leist vel á, en þegar þau útskýrðu fyrir mér leikinn abc hljóp ég eins og fætur toguðu og ef einhver strákur náði mér fékk hann bara að kyssa hendina mína.
6. Þegar ég var 3 ára þá týndist ég í klukkutíma í verslunarmiðstöð í Finnlandi. Mamma hafði verið að skoða kristalglös en ég sá nammibúð hinumegin við ganginn sem var mun meira spennandi.
7. Ég elska hunda, þá sérstaklega hundinn minn Tímon, en mig dreymir um að baða mig í hvolpum.
8. Mér finnst Star Trek þættirnir skemmtilegir og horfði alltaf á þá þegar þeir voru sýndir í sjónvarpinu...síðan hef ég hitt einn leikarann úr þáttunum Star Trek:Voyager, en það var leikarinn Garret Wang (sem sést hér fyrir neðan) sem lék Harry Kim og þegar ég var að keyra hann upp á hótel með Dísu þá fór ég að velta því fyrir mér hvort að dýnurnar á íslenskum hótelum væru þægilegri en annarstaðar í heiminum þar sem ég hafði aldrei sofið á þægilegri dýnu erlendis og sagði við hann: " How are the beds in you hotel?" og hann svarar: "Why do you want to find out?"

Tíminn líður hratt....

2007-07-18T10:54:00.000Z

Mér finnst þetta sumar líða allt of hratt. Kannski er búið að vera of mikið í gangi hjá manni, þar sem mér fannst tíminn líða mjög hægt síðastliðna tvo daga þegar ég þurfti að hanga ein heima sökum ofnæmiskvefs.
Hef verið ein af fáum manneskjum í bænum sem eru ekki ánægð með þessa endalausu sól og þurrk...frjókornamagn hefur nefnilega verið í hámarki í sumar...ekki gaman fyrir okkur fólkið með frjókornaofnæmi.

Nr 2

2007-07-13T11:22:00.001Z

Þá tókst mér að búa til mitt fyrsta blogg. Dundaði mér að velja liti á síðuna og ákvað að hafa pols, en lenti í smá vandræðum með að setja inn link fyrir ljósmyndirnar mínar sem eru inn á picasa, þ.e. það tókst ekki...URL slóðin sem ég setti inn var ekki gúdderuð...veit einhver afhverju???

Fyrsta bloggið!

2007-07-12T19:45:00.000Z

Jæja ég ákvað (þegar ég hafði ekkert að gera í vinnuni) að búa til mína fyrstu bloggsíðu. Veit ekki hvort þetta á við mig, en ég ætla að prófa þetta...